２００５年８月５日

今日有開心有唔開心。

開心既係今日下晝同CORRI出左去CWB行街買鞋食飯，之後就JOIN番桃媽佢地去新城！開頭見到黃色區有D失望但後尾睇真D，好似仲好過FANS CLUB D飛囉！因為唔會有人頭遮住嘛！今次係我第一次見到SHOW．．．雖然同睇大電視無乜分別！但係我知道我同佢係同一個現場個種心情我都已經好開心！小豬拎左３個獎架！１首金曲，一個舞台，仲有一個好似人氣！超正哩＞３＜！

期間有一個爆點，五月天唔係係個台上面表現，而係係離我地不遠既小台上面夾BAND！真係HIGH爆呀＞０＜！之後睇到一半我地就開始去慶功宴個度，今年同往年個地方唔同，今次去左皇埔個邊！嚇到我地飛的去！去到係度諗應該企邊D位點點點．．．點知佢地係中間入囉．．．根本無機會掂到－０－”我地就係出邊發晒癲咁叫SHOW，羅志祥，之後就係度唱戀愛達人！之後SHOW做左個“o朱”既手勢，因為佢要做訪問！不過就現場所見佢真係有晒FACE啦！咁多人叫佢！雖然佢無出到黎，不過都唔介意啦．．．上網睇番佢D相見佢應該好支力．．．而且心情應該仲未太好吧！不過唔緊要啦^^我地會體諒你既！

唔開心既就係，媽咪今日仲係見頭暈．．．朝早陪佢睇多次醫生之後，夜晚就入左醫院等聽日驗血．．．我好擔心佢唔知會有D咩事．．．返到屋企同DADDY傾，佢都話驚媽咪會好似公公咁有病，怕係家族遺傳個D．．．請不要嚇我．．．我心血少！真係好擔心好擔心．．．請保佑媽咪只係小病！病完好快好番！

２００５年７月３１日

好耐無寫日記啦…懶哩！

今日係DADDY既生日，朝早我請左DADDY飲茶，之後就陪阿哥出去諗住買禮物俾DADDY！但係我地就去左金星打機先．．．阿哥開頭陪我玩左打鼓，同埋其他佢平時唔玩既機之後，佢就去左玩拳皇．．．仲玩左好耐哩！我就係度等玩太鼓．．．但係幾時都咁多人囉！氣死！結果玩左兩個幾鐘就走啦！去左千色，CITY睇下有咩買！臨尾買左個銀包．．．佢個個真係用左好多年哩．．．．

夜晚就係屋企食！本身係想出去食既，不過DADDY自己唔想囉．．．因為太多野做．．．唉！真係日理萬機！不過今年係佢收到最多禮物既一年囉．．．因為往時我地都無表示哩．．．

之後呢幾日都煩緊唯同豬既野！唯個邊．．．真係好對唔住大家呀！我都唔知可以點先補償到．．．唉！豬個邊．．．都未知拎唔拎到飛．．．APM個邊又唔知係唔係真係會有佢份．．．就算有，而家都無用！PAT姨個電話又打唔到囉．．．好多野都好想去，但係所有野都未定囉．．．真係心急死我啦！！！

不過呢幾日都過得幾腐敗．．．打機打機打機．．．唉！死啦！功課又未掂過．．．書又未溫過！返到去又係令人失望啦．．．小豬黎完香港之後，我要俾心機俾心機！！要開始溫溫溫溫溫，做做做做做！！

２００５年７月２３日

今朝早起身同肥樺CORRI去睇“荒失失奇兵”！本身阿哥都同我講過話呢套戲唔好睇！不過由於無其他睇既關係！所以就揀左呢套！結果．．．套戲都幾悶架．．．哈！不過其實D畫都幾靚既！之後上左金星打機！肥樺同CORRI就分別去左其他地方！我就返屋企補習～MISS送左個相薄俾我，我又送番d手信俾佢！不過有包野原來係好難食架哩！哈哈！算吧！

補完習之後就同CORRI同埋PASU去書展！去之前我同CORRI行左陣旺中！之後等埋PASU係旺角打陣機先出去書展！我著住對死人涼鞋行到就黎死．．．刮到隻腳超痛！期間買左兩本深雪，兩本吳穎琳，一本小新（好耐無睇過哩＞V＜）之後就咁行行行就行起碼兩個半鐘．．．但係都無行晒囉！之後１１點幾左右就搭地鑼返荃灣，差D搭錯線囉－０－哈！我地係地鑼又玩到癲，係咁俾人望住晒囉XD特別係CORRI咬PASU LINLIN個陣！哈哈哈！之後番到荃灣就去左德園食野！食完之後就JOIN埋肥樺去CITY打機！今日係打足早午晚３餐囉！連APPLE都叫我快D返屋企啦＞＜我好早返架啦．．．哈！點半左右返到屋企！本身諗住佢地去晒我屋企過夜！點知原來婆婆都係度．．．無晒床位哩．．．但係我又唔想佢地入我房訓．．．（因為好亂好亂！）結果我好對唔住佢地咁送番佢地落樓．．．真係好對唔住好對唔住！我地就係下面傾計傾到兩點幾之後都係決定上番黎我屋企！因為已經搭的的去左麗城就要再搭的返深井好無謂哩．．．

希望DADDY唔會覺得我係衰女吧──”硬係有D內疚感．．．哈！